الكلمة

اياك تستهون بالكلمة
و بساطتها تكون مخدوع
هي الكلمة تحرر أمة
و هي الكلمة تهز جموع
و تقول كلمة تزيح الغمة
و تنور في الضلمة شموع
قولي لكلمه يساوي حرية
ملعون ابو كلمة ممنوع
صدق هتافي يهز الدنيا
مش راح يقفل بقي الجوع
فاقد حرية ميعيشي
و ميتنفسشي المقموع
و الكلمة الحلوة مش حكمة
مش بضرورة كلام مسجوع
قيمة الكلمة احساسك بيها
مش لازم برضو تغنيها
بس الشرط اللازم فيها
لما تقولها تحس خشوع
فرغ ألمك جوة الكلمة
عمر سكات ما يفيد موجوع
كلمة تزلزل عرش الظالم
ريح بتهز جبال و قلوع
كلمة توصل ييجي ميت معني
كلمة تقربنا...تجمعنا
كلمة نقولها الناس تسمعنا
كلمة تفهم ميت موضوع
كلمة تقولهىا و لو فيها موتك
حارب ضعفك و اقتل خوفك
و لو متقدر يخلص عمرك
يبقي تموت و الراس مرفوع

ذكريات

شوية ذكريات حلوين....

بيهم عايشين ....

و بالعافيه ملصمينهم....

وبالعافيه احنا...

متلصمين....

زي لحظة ما اجاوب...

ندا الصاحب ذا قال مين...

يا مين يحافظ عليا...

و يبقي علي سري امين..

مين اللي لما الدنيا تهجرني..

يشلني في عين...

و عينه التانيه راح تبكي...

ده مين...

و حاجات كتير...

شكلت معالم الضحكة...

علي وجهي الحزين....

شوية ذكريات ماسكين في بعضهم....

و متبتين....

لاجل ما تلاقي الضرورة من العيشه.....

لاجل ما تعيش انت ...

يا قلبي  يا مسكين....

بكره مسيره هيبقي امبارح

زنقة و هيصه و موقف صعب

و مشكله مالهاش اي ملامح

هوجه و دوخه و قبضة قلب

وكونها هتتحل ده مش واضح

سهله و راح تفرج عن قرب

عيش اللحظه و خليك ناصح

افرح و املا حياتك حب

اضحك,هزر,حب,و سامح

هي ثواني مسيرها تعدي

و بكره مسيره هيبقي امبارح

المحتل

المحتل يا عزيزي..مش ضروري يكون غريب
ممكن يبقي ابن بلدك...
ممكن يبقي ليك قريب....
ممكن يبقي ابن عمك...
مع انه شايل نفس دمك....
شئ غريب...
و يبقي لابس لبس ريس...
او مقاول...او مهندس...او محامي ...او حرامي ..
او نقيب...
المحتل يا عزيزي مش ضروري يكون غريب...
مش ضروري إِنجِليزي ...
مش ضروري يبقي مسلم...
او يكون شايل صليب...
المحتل ده نصيب...
رب اجعل في احتلالي لابن بلدي يا ريت نصيب...
مش بالزمة يبقي احسن..
مش هو أولي من الغريب ؟

إني أعاني

اعيتني الحيلة...
جف لساني....
نفذت اوراقي...وألواني...ق
د رفع الساحر قبعته....
قد انهي الشاعر ابياتَة...
و قطفت لك كل الوردِ في بستاني
واخذت افتِّش عن كلماتٍ....
اعتصر الباقي من ذهني....
اصطحب في عقلي محياكِ....
عفواً...صفحاً...سيدتي...
ولكن جمالك يعجز عن فهمةِ...ادراكيِ
و احاول عبثاً في مخيلتي...ان القاكِ..
لكن شتانٍ سيدتي...
بين جلوس في ٌحضرتكِ...
وبين خيالٍ في الوجدانِ...
شتانِ...
عفواً...صفحاً..سيدتي
أعيتني الحيلة و إن الشوقَ قد أعياني.....
إني اعاني

بلومك....

وبلومك علي كل الفساد...
علي الي بيفشل....
و الي بيسقط...
و الي بيطلع....
بمواد....
بلومك علي نهب البلاد..
وقروض بتتطلع...
من غيرسداد..
 سنين معانا..
طافحين مهانه
وشرف الخيانة..
انت نلته.....
باجتهاد..
بلومك.
ولغاية ما يجي يومك..
واقف..
وقفة حداد..